ПЕСНИТЕ НА РОБЕРТ ВУКЕЛИЌ

НАСТАПИ НА РОБЕРТ СО КСЕНИЈА ПАЈЧИЌ И СОРАБОТКА СО КОПРОВ

После промо турнејата низ десетина градови во Македонија (Радовиш, Кичево, Битола, Охрид, Струга, Куманово, Велес, Штип ...) каде Роберт имаше заеднички настап со атрактивната српска пеачка Ксенија Пајчиќ со која се заштитни лица на енергетскиот пијалок „Ксенија“, Роберт продолжува со нови чекори.

Овој период Роберт работи и на избор на материјал за својата нова песна.
Новата песна, пета по ред, Роберт ја снима во студиото на Григор Копров, во чиј целосен аранжман е истата.
Петата песна од Роберт ќе биде промовирана на Охрид фест - Охридски трубадури 2008г.

ПРОМО ТУРНЕА НИЗ МАКЕДОНИЈА

Роберт Вукелиќ овој период е ангажиран на промотивна турнеја низ Македонија гостувајќи во тв станиците и кафе- клубови. Куманово, Битола, Охрид, Скопје, Струмица... списокот ќе се надградува.
Овој период Роберт е во фаза на одлука оваа година да се појави на некој од фестивалите во Македонија. Се избира песна. Ве повикуваме да ни дадете мислење: со каква песна сакате да го видите Роберт на некој од фестивалите за забавни песни. Дали мислите да биде брза песна или балада. Пишете ни на robertvukelik@gmail.com

ЗА МЕНЕ СУДЕНА

Најновата песна на Роберт „За мене судена“ е поставена на овој негов блогер. Музиката и текстот на песната се од Стефан Николиќ, а аранжманот е на Скипи Продукција и Горјан Јовановски. Се надеваме дека на сите вам ќе ви се допадне.

ПРОМОЦИЈА НА „ЗА МЕНЕ СУДЕНА“

Новата песна на Роберт- четврта по ред со наслов „За мене судена“ ќе биде промовирана вечерва (19 февруари 2008г.) во емисијата ЕКСКЛУЗИВ на А1 тв од 19:55 часот. Музиката и текстот за песната се на Стефан Николиќ, аранжманот на Горјан Јовановски и Скипи продукција.
Целосното интервју и фотографии од интервјуто може да се погледнат на веб страницата на ЕXCLUSIVE MEDIA HOUSE href="http://www.exclusive.com.mk/gallery.asp?artid=856">

Песната „За мене судена“ на Роберт Вукелиќ од утре ќе биде достапна за сите вам на оваа страница, а истата ќе биде доставена и до сите медиуми во Македонија. Доколку ја сакате и вие песната на е маил пишете ни на: robertvukelik@gmail.com

РОБЕРТ ВО СПОТОТ БЕСМРТНА ЉУБОВ НА ПОП ДИВАТА ЕРА ОД АЛБАНИЈА

Роберт Вукелиќ сними спот за песната Dashuri e pavdekshme или Бесмртна љубов на музичката под дива и ѕвезда од Албанија Ерманда Дурмиши - Ера. Спотот ќе биде претставен наскоро и пред Македонската јавност. Истиот е изработен од Дејан Миличевиќ.

ЕКСКЛУЗИВНА ФОТОСЕСИЈА НА РОБЕРТ

Некои успеваат да го поддржат и препознаат талентот и убавината. Благодарение токму на таквите луѓе е остварена и оваа фотосесија. Имено www.exclusive.com.mk MEDIA HOUSE EXCLUSIVE направи фотосесија и на Роберт Вукелиќ. Фотографиите можат да се пронајдат во оригинал на споменатата веб страница, на која може да се погледне и видео од моментот кога беше направена фотосесијата со Роберт.

НОВО ОД РОБЕРТ

Новата песна на Роберт Вукелиќ која носи наслов „За мене судена“ е готова. Музиката и текстот на песната се од Стефан Николиќ, а аранжманот од Горјан Јовановски и Скипи Продукција. Песната е комбинација од три стила: салса- латино стил, поп и рок.
Истата ќе биде промовирана во месец февруари,а постојат можности за снимање на спот за истата.
Од овој викенд Роберт започнува со гостувања по градовите низ Македонија. Прв на распоредот е Велес. Роберт ќе има часовна емисија на ТВ Здравкин каде во TALK SHOW ќе ја промовира својата музика и спот пред Велешани. Истата емисија ќе биде посветена и на Тоше Проески и одбележувањето на неговиот 27ми роденден.

СПОТ ЗА ПЕСНАТА „ИМА НЕШТО ВО ТЕБЕ“

hit counter

ХУМАНИТАРЕН КОНЦЕРТ ЗА СОС ДЕТСКОТО СЕЛО

Во месец декември во Скопје во дискотеката Колосеум во организација на Американ Колеџ се одржа хуманитарен концерт за СОС Детското село. На овој концерт настапија повеќе музички ѕвезди од Македонската забавна естрада меѓу кои и Роберт.

ПРЕТСТАВУВАЊЕ НА РОБЕРТ ВО ХРВАТСКА

На 30 август 2007 година Роберт Вукелиќ настапи во Ријека како единствен учесник од Македонија на хуманитарната манифестација Rijeka for fashion, од која финансиите беа наменети за детската болница Кантрида. Ова воедно беше и промоција на Роберт во Хрватска.

ПРАВА ЉУБОВ

Изведба на Роберт на песната „Права љубов“ во дует со Викторија (Македонка во Хрватска), на хуманитарната манифестација "Rijeka for fashion", август 2007.

ПРОМОЦИЈА НА „ЗА КРАЈ“

Промоцијата на „За крај“ се случи на новогодишната прослава на Општина Карпош за дочек на 2008 каде настапи и Роберт Вукелиќ.
Текстот на песната е напишан од Роберт, додека музиката и аранжманот се на Бексо.

ПРОМОЦИЈА НА „БЕЈБЕ“ ВО ХРВАТСКА

Промоцијата на „Бејбе“ се случи во Ријека, Хрватска на 30 август 2007г. при настап на Роберт на хуманитарната манифестација "Rijeka for fashion" за детската болница Кантрида, каде Роберт беше единствен претставник од Македонија.

РОБЕРТ ПЕЕ ПЕСНА ОД ТОШЕ

Роберт Вукелиќ пее песна од Тоше, оддавајќи му признание за неговото големо дело и следејќи го неговиот пример.

Настап на Роберт Вукелиќ

Снимка од настапот на Роберт Вукелиќ на хуманитарниот концерт за СОС детското село, организиран од Американ Колеџ во Колосеум, декември 2007г.

НАСТАП НА РОБЕРТ НА ВЕВЧАНСКИОТ КАРНЕВАЛ

На 12ти јануари 2007 година традиционално во Вевчани ќе се одржи ВЕВЧАНСКИОТ КАРНЕВАЛ. Учесник во програмата на Карневалот ќе биде и Роберт Вукелиќ, кој ќе настапи со своите песни. Тој всушност и ќе ја отвори првата забавна вечер која ќе започне со музичка програма во 19:00 часот, после дефиле на маски.
Истиот оваа година ќе има две вечери Забавна и Народна. Во забавната покрај Роберт ќе настапат и: Александра Пилева, Бени, Супер Хикс, Канго и други. Во народната вечер ќе настапат: Есма, Сузана, Тарчуловска и други.
Водител на двете вечери ќе биде Вера Јанковиќ.
Организаторот ветува добра забава, и присуство на илјадници маскирани луѓе од цел Балкан.

ПРОМОЦИЈА НА НОВАТА ПЕСНА „ЗА КРАЈ...“ НА НОВОГОДИШНАТА ПРОСЛАВА

На 31 декември 2007 година на новогодишната прослава организирана од Општина Карпош, Роберт ќе ја промовира својата нова песна „За крај...“. Текстот на песната е авторско дело на Роберт, музиката и аранжманот се од Бексо.

Прославата ќе започне во 18:00 часот и ќе трае до 02:00, на истата покрај Роберт ќе учествуваат и Росана Сариќ Тодоровска, Горан Тодоровски, МАМА бенд, Ванчо Петрушевски, Кире Печијаревски и уште многу други.

Градоначалникот на Општина Карпош точно на полноќ заедно со сите учесници ќе им ја честита Новата година на граѓаните по што ќе следи голем огномет.

Со оваа информација на саите вам сакаме да ви посакаме СРЕЌНА НОВА 2008 година. Многу здравје, среќа, љубов, бериќет и Божји благослов.

НАСТАП НА РОБЕРТ НА ХУМАНИТАРНИОТ КОНЦЕРТ ЗА СОС ДЕТСКОТО СЕЛО

Роберт Вукелиќ во вторник 18 декември 2007г. со почеток во 21:00 часот во дискотеката Колосеум ќе учествува на хуманитарниот концерт организиран од студентите од Универзитетот „Американ колеџ“ од Скопје. Концертот ќе има и хуманитарна аукција.

Сите средства што ќе се соберат од овој настан ќе бидат донирани на СОС Детското село за да им се помогне да го купат Младинскиот центар во населбата Радишани каде што живеат повеќе младинци.

Други музички гости на концертот ќе бидат Нокаут, ДНК, Тамара, Роберт Билбилов, Бени Шаќири, Биба Додева, Влатко Илиевски, Искра Трпева, Маја Вуќичевиќ, Ева, Мартина, Бојана Атанасова, Браво бенд, Александар Митевски и Ѓоко Таневски.

На аукцијата ќе се продаваат омилените работи на нашите ѕвезди како и цртежи нацртани од децата од СОС Детското село и од студентите на американскиот колеџ.

На настанот ќе учествуваат и Сара Леши, Сања Николиќ, Дадар, Сузана Турунџиева, Бојана Васиќ, и Кристијан Габровски. Интересно е тоа што некој од публиката ќе може да купи вечера со Сања Николиќ и со Сара Леши.

Цената на билетите во претпродажба е 150 денари (истите можат да се најдат и купат и кај менаџерот на Роберт, Стевче- 070 616 406 до понеденик до 11:00 ласот), а вечерта на врата ќе чинат 200 денари. Водители на манифестацијата ќе бидат Живкица Ѓурчиновска и Лила М. Стојановска.

НОВО, НОВО, НОВО

Овој период распоредот на активности на Роберт Вукелиќ е насочен кон снимање на неколку нови песни во соработка со Бексо, Стефан Николиќ и Александар. Промоција на една песна од новиот материјал ќе биде во декември 2007 г. , а останатите ќе бидат промовирани етапно во 2008г. Роберт Вукелиќ за две песни од новиот материјал сам го напиша текстот, а останатото нека биде изненадување. Можеме само да откриеме дека имаме добри хитови.
Роберт Вукелиќ овој период имаше и интензивен период на настапи и гостувања во медиумите низ Македонија, на кои се прикажува и неговиот спот: Штип ТВ Стар, Тетово ТВ Кис, ТВ Здравкин и ТВ Канал 21 од Велес, А1 ТВ во емисијата во „Недела во 11“, ТВ МС- Скопје, ТВ АТВ- Скопје. Исто така Роберт имаше снимање како гостин на спотот на поп ѕвезда од Албанија- Ера.